Департаментпен және оның аумақтық бөлімшелерімен қызметкерлер арасында сыбайлас жемқорлыққа қарсы мәдениет пен парасаттылық идеологиясын қалыптастыру, сондай-ақ сыбайлас жемқорлық құқық бұзушылықтары мен оларға алғышарттардың жолын кесу бойынша жұмыстар жүргізілуде.

Қазақстан Республикасы мемлекеттік қызметшілерінің Әдеп кодексінің нормаларын зерделеу, "Сыбайлас жемқорлыққа қарсы іс-қимыл туралы", "Мемлекеттік қызмет туралы" Қазақстан Республикасы Заңдарының талаптарын сақтау бойынша түрлі семинарлар, түсіндіру іс-шаралары тұрақты негізде өткізіледі.

Мемлекеттік кірістер органдары қызметкерлерін сыбайлас жемқорлыққа қарсы білім беру, ақпараттық және ұйымдастырушылық сипаттағы шаралар кешенін (семинарлар, сауалнамалар, оқыту дәрістері, психологтардың тренингтері және т.б.) жүргізу арқылы қызметкерлерде сыбайлас жемқорлыққа қарсы көзқарасты қалыптастыру, сыбайлас жемқорлыққа қарсы мінез-құлықты дамыту және ынталандыру жөнінде кең ауқымды жұмыс жүргізуден тұрады.

Қызметкерлердің сыбайлас жемқорлыққа қарсы іс-қимыл жөніндегі нормативтік-құқықтық базаны, оның ішінде мемлекеттік қызметшілерге тыйым салуларды, шектеулерді, міндеттерді, қызметтік этикаға қойылатын талаптарды, сыбайлас жемқорлыққа қарсы іс-қимылдың құқықтық және моральдық-этикалық аспектілерін белгілеу бөлігінде білуге ерекше мән беріледі.

Жұмысқа қабылдау кезінде кандидаттарды тексеру мәселелеріне назар аударылады. Мемлекеттік қызметке кірген кезде жас мамандар заңнамада көзделген барлық шектеулермен және тыйымдармен міндетті түрде танысады, жоғары кәсіби қасиеттері бар қызметкерлер қатарынан мамандарға тәлімгерлер бекітіледі. Сондай-ақ, әңгімелесуде қойылатын сұрақтар тізбесіне сыбайлас жемқорлыққа қарсы іс-қимыл мәселелері енгізіледі.Сонымен қатар, сыбайлас жемқорлық әрекеттерін, сыбайлас жемқорлық теріс қылықтарын тудыратын себептер мен жағдайларды анықтау және осындай себептерді жою үшін Департаментте ішкі бақылау жүйесі енгізілді, атап айтқанда, сыбайлас жемқорлық тәуекелдеріне ұшыраған неғұрлым "тар жерлерді" анықтауға мүмкіндік беретін Басқарма мамандарының лауазымдық міндеттерін орындауына мониторинг жүргізу.

Сыбайлас жемқорлыққа қарсы іс-қимыл жөніндегі шаралардың тиімділігін арттыру, сондай-ақ мемлекеттік қызметтерді тұтынушылармен байланыстарды барынша азайту мақсатында салықтық, кедендік және басқа да қызметтерді көрсету кезінде мамандардың іс-қимылдарын регламенттеу жолымен көрсетілетін мемлекеттік қызметтердің сапасын жақсартуға бағытталған жұмыс жүзеге асырылады.

Автомобиль өткізу пункттерінде қашықтықтан мониторинг жүргізу үшін модульдерде (мамандардың жұмыс орындары) онлайн режимде бейнебақылау камералары орнатылды, "сенім телефонының" нөмірі, Әдеп жөніндегі уәкілдің байланыстары көрсетілген салық төлеушілер мен СЭҚ(Сыртқы экономикалық қызмет) қатысушыларына арналған плакаттар, сондай-ақ лауазымды тұлғаларға, мемлекеттік кірістер органдарының тұлғаларына пара бергені үшін қылмыстық және әкімшілік жауапкершілік нормаларын түсіндіретін буклеттер орналастырылды. Жұмыстың ашықтығы мен объективтілігі үшін барлық басқармаларда шағымдар мен ұсыныстарға арналған жәшік орнатылған.

Осы бағытта бұқаралық ақпарат құралдары, әлеуметтік желілер, "жедел желілер", "Сенім телефондары", "салықтық және кедендік әкімшілендіру мәселелері бойынша байланыс орталығы"," онлайн-конференциялар "арқылы халықты ақпараттандыру кеңінен қолданылады.

"Ақжайық – адалдық аланы" алаңында Facebook және Instagram әлеуметтік желілерінде департамент басшыларының орынбасарларының, басқармалар мен аумақтық бөлімшелер басшыларының қатысуымен тұрақты негізде тікелей эфирлер өткізіледі.

Қызметкерлер тарапынан немесе олардың қатысуымен құқық бұзушылықтар туралы, қызметкерлерге немесе олардың отбасы мүшелеріне қатысты құқыққа қайшы әрекеттер туралы мәліметтерді қамтитын жарияланымдарды анықтау үшін бұқаралық ақпарат құралдарына күнделікті мониторинг жүргізіледі. (2023 жылы және 2024 жылдың өткен кезеңінде бұзушылықтар анықталған жоқ).

Қызметтік этика нормаларының сақталуын және облыстың мемлекеттік кірістер органдарының ұжымдарында моральдық-психологиялық ахуалдың жай-күйін мониторингтеу мақсатында, сондай-ақ сыбайлас жемқорлық туралы халықтың пікірін зерделеу мақсатында 6 сауалнама жүргізілді, олардың нәтижелері бойынша басқарушылық жұмыс стилін жетілдіру бойынша ұсынымдар берілді.

Қызметкерлерде сыбайлас жемқорлыққа қарсы мәдениетті және сыбайлас жемқорлық көріністеріне нөлдік төзімділікті қалыптастыру мақсатында 2023 жылы және 2024 жылдың өткен кезеңінде 351 іс – шара өткізілді, оның ішінде БАҚ - та жарияланымдар - 338, радио арқылы сөз сөйлеу -2, семинарлар, "дөңгелек үстелдер" отырыстары-107, әлеуметтік желіге 2 бейне ролик шығарылды.

Департамент сыбайлас жемқорлықтың алдын алу бойынша қызметті бекітілген жұмыс жоспарына сәйкес, лауазымдық құқық бұзушылықтар мен қылмыстарды анықтауға, жолын кесуге және алдын алуға бағытталған іс-шаралармен жалғастырады.