Батыс Қазақстан облысы бойынша мемлекеттік кірістер департаменті (әрі қарай – БҚО бойынша МКД) Қазақстан Республикасының «Сыбайлас жемқорлыққа қарсы іс-қимыл туралы» Заңына сәйкес, табыстары мен Қазақстан Республикасының аумағында да, одан тысқары жерлерде де орналасқан және салық салу объектісі болып табылатын мүлкі туралы декларацияны табыс ету мемлекеттік қызметкерлердің міндеттерінің бірі болып табылады.

         Салық Кодексіне сәйкес жеке табыс салығы және мүлік бойынша 230.00 нысандағы декларацияны келесі тұлғалар табыс етеді:

- «Сыбайлас жемқорлыққа қарсы іс-қимыл туралы» Қазақстан Республикасының Заңына сәйкес декларацияны табыс ету міндеті жүктелген жеке тұлғалар, атап айтқанда, мемлекеттік қызметкерлер, жағымсыз себептер бойынша мемлекеттік қызметтен босатылған адамдар босатылғаннан кейінгі үш жыл бойы;

- Қазақстан Республикасы Парламентінің депутаттары, судьялар;

- «Қазақстан Республикасындағы сайлау туралы» Қазақстан Республикасының Конституциялық заңына, Қазақстан Республикасының Қылмыстық-атқару кодексіне сәйкес декларацияны табыс ету міндеті жүктелген Қазақстан Республикасы жеке тұлғалар.

         Декларация орналасқан (тұрғылықты) жердегі салық органына 31 наурыздан кешіктірмей табыс етілуі тиіс.  

         Салық есептілігін тиісті салық органдарына: қағаз жеткізгіште өзі келу тәртібімен,  хабарламасы бар тапсырыс хатпен почта арқылы және электронды түрде ұсынуларына болады.

         Декларацияны электронды түрде «Салық төлеуші кабинеті»WEB қосымшасы арқылы http://cabinet.salyk.kz мекенжайы бойынша ұсынуға болады.

         Ғаламторға кіру мүмкіндігі болмаған жағдайда, әрбір мемлекеттік кірістер басқармасында мемлекеттік қызметкерлер декларацияларын жіберу үшін салық төлеуші терминалдары бар.

         230.00 нысанындағы салық есептілігі және оны толтыру ережелері Қазақстан Республикасы Қаржы Министрлігі Мемлекеттік кірістер комитетінің kgd.gov.kz порталында, «ҚР заңдылықтары» - «Салық есептілігі нысандары» - «2018ж. СЕН» - «Жеке табыс салығы және әлеуметтік салық» - «230.00 нысан» мекенжайы бойынша орналасқан.

         Декларацияны электронды түрде табыс ету үшін мемлекеттік қызметкерлерге тұрғылықты жері бойынша салық органына  немесе ХҚКО жүгіну арқылы жеке криптографиялық кілт алу қажет.

         Сондай-ақ, Заңмен, мемлекеттік қызметкерлердің жұбайларымен (зайыптарымен) тұрғылықты жері бойынша табыстары мен мүлкі туралы 230.00 нысандағы декларацины тапсыру міндеті бекітілгенін еске саламыз.

         Сонымен бірге, Қазақстан Республикасының Әкімшілік құқық бұзушылық туралы Кодексімен мемлекеттік лауазымды атқаратын адамның, мемлекеттік қызметтен теріс себептермен босатылған адамның, сол сияқты аталған адамдардың жұбайының (зайыбының) табыстары мен мүлкі туралы декларацияларды белгіленген мерзімдерде табыс етпегені, толық емес, шынайы емес декларация ұсынғаны және салық объектілері болып табылатын мүлкі және табыстары туралы мәліметтерді қасақана толық бермегені үшін әкімшілік жауапкершілік көзделгеніне назарларыңызды аударамыз.