3 наурыздан бастап азаматтардан банкроттыққа өтініштер қабылдау басталды, қазірдің өзінде 61 мыңнан астам өтініш түсті. Банкроттық рәсімі 10 мың азаматқа қатысты басталды, 750 азаматқа қатысты сот банкроттық рәсімін қолдану туралы өтінішті және төлем қабілеттілігін қалпына келтіру рәсімін қолдануға 20-дан астам өтінішті соттар қарайды.

     Мониторинг жүргізу барысында азаматтардың келіп түскен өтініштері бойынша азаматтардың белгілі бір себептермен соттан тыс банкроттығы шарттарына сәйкес келмеу жағдайлары анықталды.

     Жеке сот орындаушыларының атқару парақтары негізінде берешекті мәжбүрлеп өндіріп алу шараларын қолдануына байланысты жеке тұлғаларда 12 ай ішінде борышты ішінара өтеу жағдайлары жиі кездеседі.

     Басқа жағдайда азаматтар мүлкі нақты болмаған кезде мемлекеттік органдардың тиісті базаларында уақтылы түзетулер жүргізбейді.

     Бұл ретте, деректерді соттан тыс банкроттықтың кіріс параметрлеріне сәйкестігін тексеру мемлекеттік органдар мен ұйымдардың дерекқорларын салыстыру арқылы «TAZALAU» жүйесінде автоматты түрде жүзеге асырылады.

     Сондай-ақ азаматтардың жеке кәсіпкер ретінде тіркелген жағдайда банкроттығы рәсімін қолдану туралы өтініш беру жағдайларына жол беріледі.

     Осындай проблемаға тап болған азаматтар Қазақстан Республикасының заңнамасына сәйкес дара кәсіпкерді тарату рәсімін жүзеге асыруы қажет.

     Атаулы әлеуметтік көмек алатын азаматтар үшін ерекше жағдайлар бойынша банкроттық рәсімін пайдалану үшін осындай көмек алудың кемінде 6 ай мерзімін ескеру қажет.

     Соттан тыс банкроттық рәсімін қолдану туралы қайта өтінішті кіріс параметрлеріне сәйкессіздіктер жойылған жағдайда 3 айдан кейін беруге болады.

     Бұл ретте, егер борышкерге мүліктің болуы себебінен бас тартылса, ол тұрғылықты жері бойынша аудандық сотқа төлем қабілеттілігін қалпына келтіру немесе сот банкроттығын қолдану рәсімін қолдануға өтініш беруге құқылы.