Жұмыс тобы жаңа Салық кодексін әзірлеуге кірісті, оның шеңберінде шоғырландырылған шешімдерді әзірлеу үшін Қаржы министрлігі бизнеспен және халықпен тығыз жұмыс істейтін болады.

Қаржы министрлігі тарапынан ҰЭМ-ге тиісті ұсыныстар, оның ішінде мынадай мәселелер бойынша жолданды:

* экономиканың түрлі секторларында сараланған салық мөлшерлемелеріне көшу;

* салық төлеуден жалтару тәуекелдерін барынша азайту мақсатында арнайы салық режимдерін жеңілдету;

* салық жүктемесін азайту мақсатында ұйымдардың әдейі бөлшектенуіне жол бермеу;

* теңдестік ставкілермен және қарапайым рәсімдермен бөлшек салықты қолдануды кеңейту;

* «сән-салтанат салығын» енгізу мүмкіндігін қарастыру.

Жаңа Кодекстің негізіне жататын 2030 жылға дейінгі жаңа салық саясаты жөніндегі тұжырымдаманың жобасы қалыптастырылуда.