Қазақстан Республикасының «Міндетті әлеуметтік медициналық сақтандыру туралы» Заңының 1 бабының 14 тармағына сәйкес барлық жұмыс берушілер, оның ішінде қызметін Қазақстан Республикасында жүргізетін шетелдік заңды тұлғалар міндетті әлеуметтік медициналық сақтандыру төлеушілер болып табылады.

Қазақстан Республикасы Денсаулық сақтау министрінің 2017 жылғы 30 маусымдағы №478 бұйрығымен Міндетті әлеуметтік медициналық сақтандыру (МӘМС) жарналарын есептеу мен аудару Қағидасы бекітілді.

Қағидада жұмыс берушілердің жұмысшылары үшін МӘМС есептеу мен аударудың негізгі ережелері бекітілген.

Жұмыс берушінің қорға төлеуге жататын аударымдары және жарналары ай сайын есептеліп, аударылады.

Жарналарды есептеу үшін қабылданатын ай сайынғы кіріс жеке тұлғаның кірістерінің барлық түрлерінің қосындысы бойынша есептеледі және республикалық бюджет туралы заңмен тиісті қаржы жылына белгіленген жалақының он бес еселенген ең төменгі мөлшерінен аспауы тиіс (24459 *15=366885тенге).

Егер күнтізбелік ай үшін аударымдардың көлемі жалақының ең төменгі мөлшерінен аз болған жағдайда жарналар жалақының ең төменгі мөлшері негізге алына отырып есептеледі және аударылады.

         Есептеу объектісі болып жұмысшының айлық кірісі саналады.

Қорға төлеуге жататын жұмыс берушілердің аударымдары әр кезеңде төмендегі көлемде жүргізіледі:

         2017 жылғы 1 шілдеден бастап – аударымдарды есептеу объектісінің 1 пайызы;

         2018 жылғы 1 қаңтардан бастап – аударымдарды есептеу объектісінің 1,5 пайызы;

         2020 жылғы 1 қаңтардан бастап – аударымдарды есептеу объектісінің 2 пайызы;

         2022 жылғы 1 қаңтардан бастап – аударымдарды есептеу объектісінің 3 пайызы мөлшерінде белгіленеді.

         Жұмыскерлердің қорға төленуге жататын жарналары:

      2019 жылғы 1 қаңтардан бастап – жарналарды есептеу объектісінің 1 пайызы;

      2020 жылғы 1 қаңтардан бастап – жарналарды есептеу объектісінің 2 пайызы мөлшерінде белгіленеді.

Медициналық сақтандыру жарналары мен аударымдары Қазақстан Республикасының ұлттық валютасы теңгемен төленеді.

         Есепке жазылған аударымдар немесе жарналар банктер немесе банк операцияларының жекелеген түрлерін жүзеге асыратын ұйымдар арқылы төленіп, банктер арқылы Мемлекеттік корпорацияның кейіннен қордың шотына аударылады

         ҚР Салық кодексінің 100 бабына сәйкес жұмыс берушінің жұмысшы үшін міндетті әлеуметтік медициналық сақтандыру қорына аударылған сомалар корпорациялық табыс салығына шегерімге жатады.

         Медициналық сақтандыру жарналары мен аударымдарын төлемегені, уақытында немесе толық төлемегені үшін ҚР Әкімшілік құқық бұзушылық туралы кодексінің 92-1 бабымен әкімшілік жауапкершілік қарастырылған. Бірінші рет жауапкершілікке тартылғаны үшін ескерту жарияланып, бір жыл ішінде қайта бұзушылық жасағаны үшін төленбеген соманың 20-30 пайызы мөлшерінде айыппұл салынады.

         Медициналық сақтандыру жарналары мен аударымдарын төмендегі реквизиттер бойынша аудару қажет:

         Получатель – НАО «Государственная корпорация «Правительство для граждан»;

            БИН бенефициара 160440007161

            ИИК KZ92009MEDS368609103

            БИК GCVPKZ2A

            КНП с 121 по 128 (в зависимости от назначения платежа)

КНП для работодателя 121 - Отчисления на обязательное социальное медицинское страхование;

КНП для ИП и ФЛ ГПД 122 - Взносы на обязательное социальное медицинское страхование;

123 - Пеня за несвоевременное перечисление отчислений на обязательное социальное медицинское страхование;

124 - Пеня за несвоевременное перечисление взносов на обязательное социальное медицинское страхование.

              КБЕ 11

              КБК – 904101