«E-salyq Azamat» тегін мобильді қосымшасын App Store және Play Market-тен жүктеуге болады. Бұл қосымша ел азаматтары арасында танымал бола бастады. Осылайша, 2021 жылғы 5 ақпандағы жағдай бойынша мобильді қосымшаны пайдаланушылар саны 265 мыңнан асты.

Бұл туралы МКК Төрағасының орынбасары Жайдар Іңкәрбаев Орталық коммуникациялар қызметінде өткен баспасөз конференциясында айтып өтті.

Сондай-ақ статистиканы да келтірді. Оған сәйкес 2019 жылдың қорытындысы бойынша бюджетке қолма-қол ақшасыз төлемдердің үлесі 80% - дан астамды құрады, ал 2020 жылы салықтарды қолма-қол ақшасыз төлеу деңгейі 90% деңгейіне дейін өсті.