2016 жылғы 25-26 қазанда Мәскеу қаласында РФ кедендік қызметінің құрылғанына 25 жыл толуына орай «Кедендік қызмет-2016» XVII халықаралық көрмесі өтуде.
Көрмеге ЕАЭО мүше елдердің кедендік әкімшіліктерінің, шетелдік кеден қызметтерінің басшылары, Дүниежүзілік кеден ұйымының басшылығы, сондай-ақ сыртқы экономикалық қызметке қатысушы кәсіпкерлер ұйымдары қатысуда.
Дәулет Ерғожин бастаған ҚР ҚМ Мемлекеттік кірістер комитетінің делегациясы да ЕАЭО мүше елдердің кедендік қызметтерінің ресми көрмесі мәртебесіне ие жиынға қатысып отыр.
Көрмеде кедендік істі жүзеге асыру саласындағы соңғы жетістіктер, сыртқы сауда қызметі механизмдерін жетілдіру ісіндегі табыстар көрсетіледі.
Көрменің тақырыптық бөлімдерінің бірі - сыртқы экономикалық қызметке қатысушыларға арналған ақпараттық технологиялар және ақпараттық қамтамасыз ету.
Көрме қонақтары және қатысушыларына Қазақстанның МКК тақтасында Д.Ерғожин «Кедендік және салықтық әкімшілендірудің автоматталған жүйесі» тұсаукесерін көрсетті».