Батыс қазақстан облысы бойынша Мемлекеттік кірістер департаменті (бұдан әрі-БҚО бойынша МКД) 2022 жылғы 02 наурызда Орал қаласының әуежайында радиациялық бақылау жабдықтарын орнату мәселелерін талқылау мақсатында бірлескен жұмыс кездесуін Орал қаласында ұйымдастырды және өткізді.

     Қазақстан Республикасы Қаржы министрлігі Мемлекеттік кірістер комитетінің бас сарапшысы З.А. Малдыбаеваның төрағалығымен өткен жұмыс кездесуіне АҚШ Энергетика министрлігінің өкілдері, Қазақстан Республикасында «Tetra Tech Inc.» өкілдігінің лауазымды тұлғалары қатысты, БҚО бойынша МКД басшынын орынбасары – Д.Б. Нұрғожаев, жергілікті атқарушы органдардың өкілдері - БҚО әкімінің орынбасары – Т.Ж. Мендығалиев, БҚО Құрылыс басқармасының лауазымды тұлғалары, жоба ғимаратының меншік иесі – «Aqjaiyq» ӘКК АҚ лауазымды тұлғалары және пайдаланушы – «Орал» ХӘ АҚ, жоба инвесторы – «КПО б.в.», құрылыс және байланыс жөніндегі мердігер компаниялар – «KazConstruction Group» ЖШС және «Infratech» ЖШС лауазымды тұлғалары, сондай-ақ БҚО бойынша МКД және Шекара қызметінің лауазымды тұлғалары.

     Жұмыс кездесуінің басында «екінші қорғау желісі» ынтымақтастық бағдарламасына ақпараттық шолу жүргізілді, оның барысында АҚШ Энергетика министрлігінің өкілдері кездесуге қатысушыларды «Янтарь» үлгісіндегі радиациялық бақылау жүйелерінің мақсаты, жіктелуі және жұмыс принципі туралы хабардар етті. Бұдан әрі кездесу барысында осы жүйенің негізгі функциясы кедендік шекарадан өтетін тауарлар мен көлік құралдарындағы радиоактивті материалдарды немесе радиоактивті ластануларды табу болып табылатындығын ескере отырып, кездесуге қатысушылар әуежай ғимаратының және оған іргелес аумақтың схемаларында осындай жабдықтың экрандарын (тіректерін) орнату орындарын анықтады. Бұл жүйе авиажолаушыларды, олардың багажы мен қол жүгін ғана емес, сондай-ақ әуе кемелерінің экипаждарын, сондай-ақ әуежайдың іргелес аумағын қала жағынан және ұшу жолағынан бөлетін техникалық ойықтар (есіктер, қақпалар және т.б.) арқылы өтетін барлық қызметкерлер мен техникалық персоналды бақылайтын болады.

     Орал қаласының әуежайында радиациялық бақылау жабдығын түпкілікті орнату алдындағы дайындық жұмыстары жалғасуда.