Кез келген ұжым өз өмірлерін еңбек ұжымының нығаюы мен дамуына жұмсаған ардагерлеріне аса құрметпен қарайтыны белгілі.

Зейнеткерлікке шықса ардагерлер әріптестерімен тығыз байланысын үзбей, өз ұжымында атқарылып жатқан шараларға белсене араласып отырады.

3 қазан күні Орал қаласындағы Жастар сарайында Халықаралық қарттар күні аясында Батыс Қазақстан облысы бойынша Мемлекеттік кірістер департаменті салық және кеден қызметінің, қаржы полициясы органдарының ардагерлерін салтанатты құттықтау шарасын өткізді.

Батыс Қазақстан облысы бойынша Мемлекеттік кірістер департаменті басшысының міндетін атқарушы Б.Н.Қайдаров пен басшының орынбасары Н.С.Абдулов департаменттің қызметі мен басты бағыттары туралы баяндап, Департаменттің үш құрылымының ардагерлеріне жас буынға көрсеткен өлшеусіз өмірлік және кәсіби тәжірбиелері үшін алғысын айтып, ізгі тілектерін жеткізді.

Өз кезегінде сөз алған салық органдарының ардагерлері К.К.Кенжеғалиев, У.А.Ахаев кеден органдарының ардагерлері Р.Б.Байбулатова, Н.К.Куангалиев, Ж.Б.Байғалиев, қаржы полициясының ардагерлері М.А.Танкеев,Т.Ж.Жаналиев және басқалар өз еңбек жолдарындағы жарқын кезеңдері мен өмірден өткен әріптестерін еске алып, бүгінгі күні туған ұжымының өздерін ұмытпай, үлкен қолдау көрсетіп отырғанын атап өтті, Департамент басшылығы мен жас буын әріптестеріне бюджетті толтыруда, салық, кеден және қаржы саласындағы құқық бұзушылықтармен күресте, халыққа қызмет көрсетуде табыстар тіледі.

Салтанатты кеште ардагерлерге грамоталар мен гүлдер табысталып, әндер айтылып, ортаға биге шақырылды.

Кездесу ардагерлерімізге жаңа күш-қуат пен көтеріңкі көңіл күй сыйлағаны сөзсіз.

БҚО МКД

Адам ресуртары басқармасы