БҚО бойынша Мемлекеттік кірістер департаменті, ҚР Қаржы министрлігінің 27.11.2018 жылғы «Салық төлеушілер Қазақстан Республикасының аумағында қызметін жүзеге асырғанда ақшалай есеп айырысулар кезінде деректерді тіркеу және (немесе) беру функциясы бар бақылау-касса машиналарын қолданатын қызмет түрлерін бекіту туралы» Қазақстан Республикасы Қаржы министрінің 2018 жылғы 16 ақпандағы № 206 бұйрығына өзгерістер мен толықтырулар енгізу туралы» №1029 бұйрығымен 2019 жыл аралығында онлайн-БКМ қолдану міндеті туындайтын қызмет түрлері ұлғайтылатынына назар аударады.

Атап айтқанда, 2019 жылдың әр тоқсаны сайын онлайн БКМ қолдануға 633.

Қызмет түрлері қосылады.

Бұл ретте осы тізбе кеңейтіледі:

2019 жылғы 1 сәуірден бастап – 323 қызмет түріне;

2019 жылғы 1  шілдеден бастап – 86 қызмет түріне;

2019 жылғы 1  қазаннан бастап – 224 қызмет түріне.

            Онлайн-БКМ қолдану бойынша талап, қызметі ортақ пайдаланылатын телекоммуникациялар желiсi жоқ жерлерде қызметін жүзеге асыратын салық төлеушілерге қолданылмайды.

         Сонымен  қатар Қаржы министрінің бұйрығы тек салық  төлеуші онлайн-БКМ қолдануға  міндетті  қызмет  түрін  ғана  айқындайды.

Салық кодексінің 166-бабына  сәйкес БКМ қолдану тәртібі реттелген.

Қазақстан Республикасының Салық кодексінің 166 бабының 1  тармағына сәйкес, Қазақстан Республикасының аумағында ақшалай есеп айырысулар бақылау-касса машиналарын мiндеттi түрде қолданыла отырып жүргiзiледі.

Ақшалай есеп айырысулар кезінде бақылау-касса машиналарын қолданудан босатылатындар:

1) жеке тұлғалар;

2) адвокаттар мен медиаторлар;

3) жеке кәсіпкерлер (акцизделетін тауарларды сатудан басқа) қызметін жүзеге асыратын:

 - патент бойынша 2020 жылдың 1 қаңтарына дейін; (яғни 2020 жылға дейін бақылау касса аппаратынсыз жұмыс жасайды, 1 қаңтар 2020 жылдан бастап онлайн бақылау-касса аппараттарын орнатуға тиіс)

 - бірыңғай жер салығын төлеу негізінде арнаулы салық режимі шеңберінде жүзеге асыратын дара кәсіпкерлер  2020 жылдың 1 қаңтарына дейін; (яғни шаруа қожалықтар 2020 жылға дейін бақылау касса аппаратынсыз жұмыс жасайды, 1 қаңтар 2020 жылдан бастап онлайн бақылау-касса аппараттарын орнатуға тиіс)

4) билеттерді бере отырып, қалалық қоғамдық көлікте тасымалдау бойынша халыққа қызметтер көрсету бөлігіндегі;

5) Қазақстан Республикасы Ұлттық  Банкі;

6) екінші деңгейдегі банктер.