Коронавирустың пандемиясына байланысты қалыптасқан әлемдік экономика мен ҚР экономикасындағы жағдай ерекше болып табылады және экономиканы сауықтыру бойынша осындай шараларды талап етеді.

Осындай шаралардың бірі оңалту рәсімі болып табылады.

Оңалту және банкроттық рәсімдері "оңалту және банкроттық туралы"Қазақстан Республикасының Заңымен реттеледі.

Оңалтудың басты мақсаты кәсіпорынның өндірістік және қаржылық қызметін тұрақтандыру, төлем қабілеттілігін қалпына келтіру және кредиторлық берешекті толық өтеу болып табылады.

Оңалту рәсімі қаржылық талдау жүргізуді, оңалту жоспарын әзірлеуді, оны кредиторлармен келісуді, сотқа беру үшін құжаттар пакетін қалыптастыруды, талап арыз жасауды талап етеді.

Уақытша әкімші сотта кредиторлар талаптарының тізілімін және борышкердің қаржылық тұрақтылығы туралы қорытынды жасау үшін оңалту туралы істі қарау кезінде тартылады. Егер қаржылық тұрақтылық сыныбына сәйкес жасалған уақытша әкімшінің қорытындысы борышкердің төлем қабілеттілігін қалпына келтіру мүмкіндігі болса, онда сот оңалту туралы іс қозғау туралы ұйғарым шығарады.

Ұйғарым шығарылған сәттен бастап үш ай ішінде борышкер кәсіпорын кредиторлармен келісілген ұйымды оңалту жоспарын әзірлеуге және сотқа бекітуге ұсынуға тиіс.

Оңалту кезеңінде кәсіпорын кез келген басқа шаруашылық жүргізуші субъект сияқты жұмыс істейді, тендерлерге қатыса алады, кредиттер алады және өшіре алады, 5 жыл ішінде кейінге қалдырудың икемді кестесі бойынша берешекті тұрақты өтей алады; берешектің барлық түрлері бойынша тұрақсыздық айыбын (өсімақылар мен айыппұлдарды) есептеу тоқтатылады; банктік шоттардан тыйым алынады; берешекті өтеу есебіне мүлікті сату тоқтатылады; рәсімді ұзарту мүмкіндігі бар, оңалтушы басқарушы кәсіпорынның тікелей басшысын тағайындау мүмкіндігі бар;

Егер барлық мүдделі тараптар (кредиторлар, борышкерлер, құзыретті органдар) кәсіпорынды сауықтыру жоспарын іске асыруға өз үлесін қосса және жәрдемдессе, кәсіпорындардың төлем қабілеттілігін қалпына келтіру шарасы жұмысының тиімділігі мүмкіндігі жоғары.

Ағымдағы жылдың 1 қаңтарынан бастап БҚО бойынша сот кредиторлық берешектің жалпы сомасына 10 млрд.теңгеге жуық 6 кәсіпорынның оңалту рәсімін қолдану туралы өтінішін қанағаттандырды.

Оңалту рәсімін енгізу, жүргізу бойынша қызықтырған сұрақтар бойынша БҚО бойынша Мемлекеттік кірістер департаментінің берешектермен жұмыс жөніндегі басқармасына 8(7112)51-68-68, 23-33-15 телефондары арқылы хабарласып ақпарат алуға болады.