Бүгін БҚО бойынша Мемлекеттік кірістер департаментінің өкілдері "Ізгілік елшісі" жобасы аясында сыйлықтар табыс етті. Сыйлықтарды өмірлік қиын жағдайға тап болған балаларды қолдау орталығының тәрбиеленушілері алды.

Жаңа жыл - ең жарқын және қуанышты мерекелердің бірі. Жас ұрпаққа ұдайы қамқорлық мемлекет басшысының әлеуметтік саясатының маңызды аспектілерінің бірі болып табылады. Бақытты балалық шақты қамтамасыз ету, елдің жас азаматтарын үйлесімді дамыту, тәрбиелеу және білім беру үшін қолайлы жағдай жасау мәселелеріне ерекше көңіл бөлінеді.

Осы мекеменің тәрбиеленушілерінде Жаңа жыл қуанышты жаңалықпен - көшумен сәйкес келді. Бұған дейін балалар Строитель шағын ауданындағы облыстық балалар үйінің ғимаратында тұрды. Қазір балалар Облыстық отбасы үлгісіндегі балалар ауылына ауыстырылды, оның аумағында музыка, тренажер және би залдары бар демалыс орталығы, кітапхана орналасқан, медпункт, жазғы эстрада, балаларға арналған ойын алаңдары бар.

"Ізгілік елшісі" жобасы жастарды еріктілікке тарту, олардың санасын өзгерту, сондай-ақ қоғамда парасаттылық, адалдық және қайырымдылық сияқты асыл қасиеттерді қалыптастыру арқылы азаматтық қоғамды жандандыруға бағытталған.